Quran əxlaqının yaşanmadığı cəmiyyətlərdə insanların bir-birini sevmək və hörmət etmək üçün çox fərqli dəyərləri var. Eyni mədəniyyəti paylaşmaq, yüksək mövqe tutmaq, gözəl olmaq, dəbli geyinmək və s. Əlbəttə ki, bu cür dünyəvi dəyərlərə əsaslanan sevgi əsl sevgi deyil. Hörmət də əsl hörmət deyil. Çünki qarşı tərəf bu imkanları itirdikdə, sahib olduqlarını iddia etdikləri bu güclü sevgi bir anda yox olar. Lakin möminlərin əsl məqsədi Allahın razılığıdır. Onlar Allaha olan sevgilərindən Allahın yaratdıqlarına da sevgi və məhəbbət hiss edərlər. Bu sevgi çatışmazlıqlar, çətinliklər və ya yoxluqlarla azalmaz və maddi dəyərlərə görə dəyişməz. Onlar, əlbəttə ki, Allahın razı olmadığı əxlaqdan zövq almaz və bu cür pis əxlaqla yaşayan bir insana qarşı ürəklərində heç bir yaxınlıq hiss etməzlər. Bu vəziyyət Quranda belə təsvir olunur:
Allaha və axirət gününə inananların – valideynləri, övladları, bacı-qardaşları, yaxud yaxın qohumları olsa belə – Allaha və elçisinə düşmən olanlarla dostluq etdiklərini görə bilməzsən. … (Mücadilə surəsi, 22)
