Cənab-ı Allah, Rum Surəsinin 29-cu ayəsində belə buyurur: “Xeyr, zülm edənlər heç bir məlumatı olmadan öz nəfslərinə (arzu və istəklərinə) uydular…” Burada bəhs edilən “məlumat” Quranın özüdür. Müşriklər və xurafatçılar, Allahın endirdiyi həqiqi məlumat yerinə öz uydurmalarına əməl edər və dini məsələlərdə çaşqınlıq içində qalırlar. Ayənin davamında, “Allahın haqq yoldan azdırdığı kimsəni kim doğru yola yönəldə bilər?! Onların heç bir köməkçisi də yoxdur.” buyurulmaqla, Allahın müəyyən etdiyi yoldan azanların həqiqi qurtuluşa gələ bilməyəcəyi vurğulanır.
Rum Surəsinin 30-cu ayəsində, “Allahın insanları yaratdığı fitrət üzrə hənif olaraq üzünü dinə (İslama) çevir! Allahın (insanları fitrət üzrə) yaratmasında heç bir dəyişiklik yoxdur. Doğru din budur” buyurmaqdadır. Burada deyilən din yalnızca Quranı əsas alan və onunla yönələn həqiqi dindir. Lakin ayənin sonunda “Lakin insanların çoxu bunu bilmir.” deyərək, bu həqiqəti qavramayanların var olduğuna diqqət çəkilir. Xurafatçı zehniyyətə sahib insanlar, din mövzusunda səhv yolda olduqlarını dərk edə bilməzlər.
Allah, “Ona “qəlbdən səmimi şəkildə” yönəlin və Ondan qorxun, namazı düzgün qılın və müşriklərdən olmayın.” buyurur. Burada “düzgün namaz” xüsusilə vurğulanır. Namaz, müşriklərin uydurmalarına görə deyil, Quranın izah etdiyi şəkildə qılınmalıdır. Kim ki Qurandan kənar bir yol axtarır və ona əlavələr edirsə, Allahın buyurduğu şəkildə müşriklərdən olmuş olur.
Allah, müşriklər haqqında bu həqiqəti bildirir: “Öz dinlərini parçalayan və firqələrə ayrılan (müşriklərdən olmayın)! Hər firqə öz əlindəkinə görə sevinir.” Burada, fərqli firqələrə ayrılan və özlərini ən doğru hesab edən qruplara açıq bir xəbərdarlıq vardır. “Ən yaxşı mənəm, əhli nicat, firqə-i naciyə mənəm, mən xilas oldum” deyənlərə qarşı Allahın aydın bir mesajı vardır: Kim ki Quranı kifayət görməz və dinini parçalayar, o müşriklərin yoluna girmişdir.
Quranın yetərli olmadığını iddia etmək, Allaha qarşı açıq şəkildə müharibə elan etməkdir. Kim ki Quranın əksik olduğunu düşünərsə, Allaha və dinə qarşı cəbhə almışdır. Quranın yetərliyi və hər mövzunu detallı şəkildə izah etdiyi bir çox ayədə vurğulanmışdır. Quranda bu barədə belə deyilir: “Sadəcə siz Qurandan sorğu-sual olunacaqdır.” Allah başqa bir mənbədən hesaba çəkiləcəyimizi bildirməmişdir. Bütpərəstlərin və müşriklərin uydurmalarına görə bir sorğu sual yoxdur.
Quranın yetərliyi barədə çox açıq və aydın ayələr vardır. Kim ki bu həqiqəti qəbul etməz, Qurana əlavələr edər və ya əksik olduğunu iddia edərsə, Allahın xəbərdarlıq etdiyi müşriklər arasında olmuşdur. Dinini firqələrə bölənlər və özlərini üstün görənlər bu ayələri görməzdən gəlirlər. Lakin Allahın əmri açıqdır: “Sadəcə Qurandan sorğu-sual olunacaqdır.” Bundan başqa bir mənbə axtarmaq, Allahın öyrətdiyi dini dəyişdirməyə çalışmaqdır. Buna görə də hər bir müsəlman üçün ən vacib olan vəzifə, özünə yalnız Quranı rəhbər etmək və ona heç bir şey əlavə etməməkdir.
