İslam aləmində müqəddəs qəbul edilən bəzi şeylər Qurana görə müqəddəs sayılmır. Müqəddəs olan sadəcə Allahdır. Allahın yaratdıqları müqəddəs olmaz, mübarək ola bilər. Bir şeyin mübarək olması üçün o, mütləq Quranda buyurulmalıdır. Peyğəmbərimizə məxsus olduğu iddia edilən əşyaların ona aid olduğuna dair heç bir dəlil yoxdur, onların karbon testi də aparılmamışdır. Bunları saxlayanlar bu cür testə yaxın durmurlar. Dünyanın müxtəlif yerlərində müqəddəs əmanət adı altında minlərlə əşya və başqa materiallar vardır; bunların heç biri müqəddəs sayılmır və Peyğəmbərimizə də aid deyillər. Ona aid olsa belə, yenə müqəddəs sayılmır. Əksinə, belə şeylər Allahdan başqa güc və qüdrətin başqa yerlərdə axtarılması baxımından çox təhlükəlidir. Bundan çəkinmək lazımdır.
Bu cür hərəkətlər Allaha bir və tək olaraq iman edən möminlərə yaraşmır. Peyğəmbərimiz də yaşasaydı, bunu əsla qəbul etməzdi.
Halbuki onlara, dini məhz Allaha məxsus edərək, həniflər kimi ibadət etmək, namaz qılmaq və zəkat vermək əmr olunmuşdu. Doğru din də elə budur! (Beyyinə surəsi, 5)
