“Mal, mülk və sərvətdə çoxluqla öyünmək, sizi ehtirasla əyləndirib, özünüzdən keçirdi”. Yəni indi dünyada insanlar məsələn, gəmisi ilə, evi ilə öyünürlər. Pulu ilə öyünür. Paltarı ilə öyünür, başqasını qısqandırmaqdan zövq alır. Yəni onu Allahın neməti olaraq görüb ondan məmnun olmur. Məsələn, avtomobilini, Lamborghini və yaxud Yaquar avtomobilini bir kafenin qarşısında saxlayır. Orada insanlar görürlər, qısqanırlar, həsəd aparırlar. O ondan psixoloji rahatlıq tapır. Zövq alır.
“Belə ki bu, məzarı ziyarətinizə, qəbirə gedişinizə, ölümünüzə qədər davam etdi”. Yəni bu, iki cür ola bilər. Bir ölüsü ilə öyünürlər. Məsələn, məzarı bəzəyir, mərmər və qranitlə, ən bahalı yerdə məzarı düzəltdirir. Bir də ailə qəbirstanlığı ən yaxşı bir yerdədir, gedib birlikdə seyr edirlər. Sən onsuz da torpaq olub, yox olub gedəcəksən. Yəni nə əlaqəsi var, harada olsun. Quran buna işarə edir. Yəni ölümünüzə qədər bu xüsusiyyət sürdü.
“Xeyr; irəlidə biləcəksiniz. Yenə xeyr; irəlidə biləcəksiniz. Xeyr, əgər siz qəti bir məlumatla bilmiş olsaydınız”. Yəni dəqiq, açıq, qəti, Hakkəl-yakin məlumatla bilsəydiniz. “And olsun, o dəlicə yanan atəşi də, əlbəttə, görəcəkdiniz”. Yəni cəhənnəmi də Allah istəsə, sizə göstərərəm deyir. Dünyada da sizə göstərərəm deyir. Bunda bir işarə var. “Sonra onu, həqiqətən, yəqin gözüylə, aynəl-yakin görmüş olacaqsınız”. Allah axirətdə bunu görəcəksiniz deyir. Amma Allah dünyada da istəsəm, göstərərəm sizə deyir. “Sonra o gün, nemətdən sorğuya çəkiləcəksiniz”. Allah bütün insanlara sizə verilən nemətləri izah edin deyəcək. Hər cür nemətdən sorğuya çəkiləcəklər. Gəncliyindən, sağlamlığından, səhhətindən, pulundan nəyə istifadə etdiyinə dair sorğuya çəkiləcək. Allah ona diqqət çəkir.
