Peyğəmbərimiz (s.ə.v)-in hədislərində, say baxımından çox az olacaq olan hz. Mehdi camaatından ayrılanların olacağı bildirilmişdir. Bu da yenə Allahın böyük bir möcüzəsidir. Bu kəslər hz. Mehdini çox yaxından tanışları, onun hədislərdə bildirilən xüsusiyyətlərə sahib olduğuna və yalnız hz. Mehdinin edə biləcəyi bildirilən fəaliyyətləri reallaşdırdığına yaxından şahid olduqları halda onun yanından ayrılacaqlar. Demək ki, xalqın böyük əksəriyyəti kimi, bu qədər yaxından tanıma fürsəti əldə edən bu insanlar da hz. Mehdini fərq edə bilməyəcəklər.
Hədislərdə hz. Mehdinin camaatından ayrılanlar olacağı belə bildirilir:
… Zaman-zaman o çətin vəzifəni boynuna götürə bilməmək rahatlıq meyli; can, mal, mövqe qorxusu kimi müxtəlif səbəblərlə ondan ayrılanlar olacaq… (Ramuzül Ehadis, səh. 476) (İbni Macədən)
Hz. Müaviyə ibn Kirra (r.ə)-dən rəvayət edilmişdir:
Ümmətimdən bir tayfa (birlik) qiyamət qopana qədər kömək görməkdə davam edər. Onları tərk edənlərin ayrılmaları da onlara bir zərər verməz. (Ramuz-el Ehadis, səh. 472) (Hz. Müaviyə İbni Qırara (rə))
Ümmətimdən bir tayfa, Allahın əmri ilə hərəkət etməkdə davam edər. Onlar haqq üzərində olduqları halda, qiyamət qopana qədər onları tərk edən və müxalif çıxan kimsənin onlara bir zərəri toxunmaz… (Hz. Müaviyə, Ramuz-el Ehadis, səh. 472)
Ancaq Peyğəmbərimiz (s.ə.v)-in hədislərində, bu ayrılan kəslərin hz. Mehdi camaatı üçün çox böyük xeyir və gözəllik olduğu da bildirilir. Bu haqq birlik arasında gizlənən səmimiyyətsiz insanların ortaya çıxmasıyla, Allahın icazəsiylə hz. Mehdi camaatının bir-birlərinə bağlılığı daha da artacaq, pislərin ayrılması onları daha da qüvvətləndirəcək.
Quran ayələrində hər müsəlman birliyinin içində münafiq zehniyyətdə insanların olacağı bildirilir. Bu insanlar iman edənlərlə birlikdə hərəkət edən, onlarla eyni inanclara sahib olduqlarını iddia edən, ancaq həqiqətdə səmimiyyətsiz olanlardır. Allah rizası üçün yaşayan səmimi iman sahiblərinin arasında, sanki onlar kimi görünərək yaşayan bu insanlar, əslində saleh möminlərdən deyildirlər. Allah Quranda bu insanların vəziyyətini bu şəkildə xəbər verir:
İnsanlar arasında elələri də vardır ki, mömin olmadıqları halda: “Allaha və Axirət gününə inanırıq” – deyirlər. Onlar Allahı və iman gətirənləri aldatmağa çalışırlar. Halbuki yalnız özlərini aldadır və bunu anlamırlar. Onların qəlblərində xəstəlik vardır və Allah da onların xəstəliyini artırmışdır. Yalan söylədiklərinə görə də ağrılı-acılı bir əzab çəkəcəklər. (Bəqərə surəsi, 8-10)
Münafiqlər, həqiqətən də, Allahı aldatmağa çalışırlar. Halbuki Allah onları aldadır. Onlar namaza durarkən könülsüz qalxar, özlərini camaata göstərər və Allahı olduqca az yad edərlər. Onlar imanla küfrün arasında tərəddüd edir, nə bunlara, nə də onlara (nə möminlərə, nə də kafirlərə) tərəf olurlar. Allahın azdırdığı şəxs üçün heç bir yol tapa bilməzsən. (Nisa surəsi, 142-143)
Onlara: “Allahın nazil etdiyinə və Elçisinə tərəf gəlin!” – deyildikdə, münafiqlərin səndən nifrətlə üz çevirdiklərini görürsən. (Nisa surəsi, 61)
O zaman münafiqlər və qəlbində xəstəlik olanlar: “Allah və Onun Elçisi bizə ancaq yalan vədə vermişdir” – deyirdilər. Onlardan bir dəstə demişdi: “Ey Yəsrib əhli! Siz müqavimət göstərə bilməyəcəksiniz. Geri qayıdın!” İçərilərindən bir qismi isə: “Evlərimiz nəzarətsiz qalıb” – deyərək Peyğəmbərdən izin istəyirdi. Halbuki evləri nəzarətsiz deyildi. Onlar sadəcə olaraq qaçmaq istəyirdilər. (Əhzab surəsi, 12-13)
Bu əxlaqdakı insanlar tarix boyunca bütün səmimi mömin birliklərinin içində görüldüyü kimi hz. Mehdi camaatı içində də olacaq. Hədislərdə bildirildiyinə görə, hz. Mehdinin camaatından ayrılanlar, illərcə bu birliklə birlikdə hərəkət etmələrinə baxmayaraq daha sonradan onları inkar edənlərin arasında bir yol çəkəcəklər. Müsəlmanlarla eyni iman və səmimiyyətdə olmayan, Allaha və Qurana sədaqət göstərməyən, Allah qorxusu zəif olan bu kəslər, öz mənfəətləriylə zidd düşən bir vəziyyət olduğunda hz. Mehdinin yanından ayrıla biləcəklər.
Hz. Mehdinin Axırzaman kimi çətin bir dövrdə etdiyi xidmətləri, sahib olduğu yüksək əxlaqı görmələrinə baxmayaraq bu camaatdan ayrılan insanlar olması, cəmiyyətdəki bəzi insanların da həqiqətləri görməsinə maneə törədəcək ola bilər. Bu insanlar, hz. Mehdinin yanından ayrıldıqdan sonra hz. Mehdi əleyhinə yalan və böhtanlar yaya bilər, bir çox insanın da hz. Mehdini təqdir edə bilməsinə və hətta səhv tanımasına səbəb ola bilərlər. İnsanların böyük qismi, münafiqlərin yalanlarına və sübutsuz istinadlarına aldanacaq və bu səbəblə hz. Mehdiyə qarşı bitərəf davranacaq ola bilər (doğrusunu Allah bilir).
Yaxşılarla pislərin, haramlarla halalların yer dəyişdirdiyi, yaxşı insanların pis, pis insanların yaxşı olaraq tanındığı bu dövrdə hz. Mehdini tanıyanlar arasından bu cür əxlaqda insanların çıxması dövrün çox çətin olduğuna işarədir. Hədislərdə Axırzamanda səmimi iman etməmiş, Allahdan gərəyi kimi qorxmayan insanların inanclarını itirə biləcəkləri belə xəbər verilir:
Qiyamət, fitnələr qaranlıq gecələrin parçaları kimi zühur edənə qədər qopmaz. İnsan, mömin olaraq səhər qalxar, kafir olaraq axşam çatar. Və ya axşam mömin olar, səhər kafir olar. Dünya mənfəəti qarşılığında dinini satar. (Müslim) (İmam Şarani, Ölüm, Qiyamət və Diriliş, səh. 388)
Gələcəkdə elə fitnələr olacaq ki, Cənabı Allahın elmlə canlandırıb qoruduğu insanlar xaric, insan səhər mömin olduğu halda, axşama kafir olacaq, dindən çıxacaq. (Taberani, İbni Macə, Deylemi) (Məhəmməd Həsən Akdağ, Son Zamanlarla Əlaqədar Hədislər, səh. 36-37)
