“…HƏZRƏTİ İSA YENƏ GƏLƏNDƏ, hamının ONUN HƏQİQİ İSA olduğunu bilməsi vacib deyil. ONUN MÜKƏRRƏB VƏ HƏVASSI (dərin imanlı yaxın tələbələri) nuru iman ilə (iman nuru) ONU TANIYARLAR. Yoxsa bədahət dərəcəsində (birdən və açıq) HAMI TANIMAYACAQ…” (Mektubat, səh. 60)
Bədiüzzaman yer üzünə ikinci gəlişinin ilk illərində hz. İsanı tanıya biləcək insanların sayının çox az olacağını bildirmişdir. Buna görə yalnız onun yaxın ətrafı və dərin imanlı tələbələri hz. İsanı imanlarının nuru ilə tanıya biləcəklər, lakin insanların əksəriyyəti onun açıq şəkildə hz. İsa olduğunu bilməyəcək.
Bədiüzzaman burada istifadə etdiyi “HZ. İSA (Ə.S) GƏLƏNDƏ” sözləri ilə bir neçə vacib məsələyə aydınlıq gətirir. Bədiüzzaman “GƏLƏNDƏ” ifadəsi ilə ilk növbədə hz. İsanın “MÜTLƏQ GƏLƏCƏYİNİ” xəbər verir. “GƏLMƏK” feli ilə isə hz. İsanın “mənəvi varlıq” deyil, “ŞƏXS” olduğunu izah edir. Şəxsi-mənəvinin “gəlməsi” mümkün deyil. Şəxsi-mənəvi ancaq “yarana” bilər. “GƏLMƏK” feili “bir insanın edə biləcəyi bir hərəkətdir”. Bədiüzzaman da bu sözləri ilə bu mühüm fərqi vurğulayır və hz. İsanın yer üzünə bir şəxs olaraq gələcəyini qəti şəkildə ifadə edir.
Bədiüzzaman burada hz. İsanın ikinci dəfə yer üzünə gələrkən hamısı bir şəxs olan “yalançı Məsihlərdən” fərqli olacağını vurğulamış, bu mübarək insanın isə “ƏSL HZ. İSA” olacağını bildirmişdir. Hz. İsa gəldikdə, Quran ayələrində və Peyğəmbərimiz (s.ə.v)-in hədislərində bildirilən əlamətlərə uyğun xüsusiyyətləri ilə digər saxta məsihlərdən seçiləcək və Bədiüzzamanın ifadə etdiyi kimi, “həqiqi hz. İsa” olacaq.
Bununla yanaşı, Bədiüzzaman burada “MÜQƏRRƏB VƏ HƏVASSI” deyərək hz. İsanın “DƏRİN İMANLI YAXIN TƏLƏBƏLƏRİ” olacağını bildirir. Şəxsi-mənəvinin “tələbələri” və ya “yaxın ətrafı” olacağı haqqında danışmaq mümkün deyil.
Ancaq bir insanın tələbələri ola bilər. Şübhəsiz ki, Bədiüzzaman bu həqiqəti yaxşı bilirdi. Hz. İsanın tələbələrindən bəhs etməklə onun şəxsi-mənəvi olmadığını müsəlmanlara izah edir və mübarək şəxsin şəxsən tələbələrinin başında olacağını bildirir.
Bədiüzzaman “ONU HAMI TANIYA BİLMƏZ” sözləri ilə hz. İsanı gəlişinin ilk illərində hamının başa düşməyəcəyini və bununla cəmiyyətinin əksər hissəsinin onu tanıya bilməyəcəyini ifadə edir. Bədiüzzaman bu sözləri ilə bir daha yuxarıda təsvir edilən və insana məxsus bir vəziyyətinə, yəni “TANINMA” xüsusiyyətinə diqqət çəkir. Əgər Bədiüzzaman hz. İsanın şəxsi-mənəvi olduğu fikrində olsaydı, belə açıqlama etməzdi. hz. İsanın tanınması haqqında danışmazdı. Bədiüzzaman “ONU” sözü ilə hz. İsanın “İNSAN” olduğunu ifadə etmiş və sonra da onu kimin tanımayacağını açıq şəkildə izah edərək bu vəziyyəti bir daha vurğulamışdır.
