“BU VƏZİFƏ, ÇOX BÖYÜK SƏLTƏNƏT, GÜC VƏ MİLYONLARIN FƏDAKARCA İŞTİRAKI İLƏ TƏTBİQ EDİLƏ BİLƏR.” (Sikke-i Tasdik-i Gaybi, səh. 9)
Əvvəlki sətirlərdə Bədiüzzamanın hz. Mehdinin “çox böyük səltənət və güc” sahibi olacağını ifadə etdiyi bu sözü təfərrüatı ilə açıqlanmışdı. Bədiüzzaman hz. Mehdinin üçüncü vəzifəsini ancaq belə güc ilə həyata keçirə biləcəyini və bunun da hz. Mehdinin sahib olacağı əhəmiyyətli xüsusiyyətlərdən biri olacağını ifadə etmişdir. Bədiüzzamanın bu sözlərində istifadə etdiyi “Səltənət” anlayışı, güc və səlahiyyət ifadə edən bir sözdür. “GÜC” anlayışı isə “istədiyi şeyi icra edə bilmə gücü, yəni səlahiyyət”i xarakterizə edir. Bədiüzzaman hz. Mehdinin İslam Birliyini meydana gətirib bu birliyin liderliyini boynuna götürəcəyini və “çox böyük güc və səlahiyyətə sahib olacağını” bildirmişdir. Bədiüzzamanın “ÇOX BÖYÜK” sözləri, hz. Mehdinin sahib olacağı bu gücün və səltənətin miqyasının böyüklüyünü ifadə edir.
Bədiüzzaman yaşadığı dövrdə belə böyük güc və hakimiyyətə sahib olmamışdır. Bütün həyatını Quran əxlaqının təbliğinə həsr etmiş, buna görə hər cür fədakarlığı gözə almış və çox böyük xidmət etmişdir. Ancaq onun təbliği maddi güc və hakimiyyət içərisində deyil, çox çətin maddi şərtlərdə və bənzərsiz çətinliklər içərisində keçmişdir. Həm Bədiüzzaman, həm də tələbələri böyük xidmətlərini çox məhdud imkanlarla həyata keçiriblər. Bütün bu çətinliklər Bədiüzzamanın şərəfli mübarizəsini daha qiymətli hala gətirmiş və ixlas ilə, səmimiyyət ilə müsəlmanlara əhəmiyyətli nümunə olmuşdur. Ancaq bir tərəfdən də, özünün də ifadə etdiyi kimi bu vəziyyət, hz. Mehdinin əldə edəcəyi “çox böyük güc və səltənət”in Bədiüzzamanın həyatında mümkün olmadığını açıq şəkildə ortaya qoyur.
